बर्दियामा क्रान्तिकारीहरुको ध्रुवीकरण: पार्टी प्रवेश कार्यक्रम सम्पन्न

वर्तमान राज्य सत्ताको विकल्प दिन सम्झौताहीन संघर्ष गर्ने प्रतिबद्धता सहित देशभर पार्टीले संगठन विस्तार गरिरहेको हो ।

आज बर्दिया जिल्लाको ठाकुरबाबा नगरपालिका स्थित भुरीगाउमा नेकपा (क्रान्तिकारी माओवादी) को जिल्ला समितिको पूर्ण बैठक सम्पन्न भएको छ । उक्त बैठकले महत्त्वपूर्ण निर्णयहरु पारित गरेको  कुरा  जिल्लाका सो पार्टीका नेताले जनपथ खबरलाई जानकारी गराएका छ्न ।

त्यस बैठकको अवसर पारी कपुर अधिकारी ´ज्वाला` ले  नेकपा  (माओवादी केन्द्र)  परित्याग गरी नेकपा  (क्रान्तिकारी माओवादी) मा प्रवेश गर्नु भएको हो । उहाँ नेकपा (माओवादी केन्द्र)को जिल्ला सदस्य हुनुहुन्थ्यो । उहाँलाई नेकपा (क्रान्तिकारी माओवादी) का पाेलिट ब्युरो सदस्य एवं लुम्बिनी प्रदेश सचिव भुपेन्द्र न्यौपानेले खाँदा ओढाएर स्वागत गर्नु भएको थियो ।